திடீரெனப் பெய்யும் இந்த மழை

திடீரெனப் பெய்யும் இந்த மழை
ஒரு அவசரப் பயணத்தை

தாமதிக்கச் செய்துவிட்டது

மோட்டார் சைக்கிளில் பயணித்தவர்களை
ஒதுங்கச் செய்துவிட்டது

வெளியில் நன்றாக உளர்ந்திருந்த ஆடைகளை
நனையச் செய்துவிட்டது

பள்ளிக்குச் செல்பவர்களுக்கு
விடுமுறை கொடுத்துவிட்டது

விடுமுறையில் இருந்தவர்களை
சலிப்படையச் செய்துவிட்டது

இப்போது பெய்யும் இந்த மழையை
ஜன்னலினூடு ரசிக்கும்
ஒருவரைத் தவிர

மற்றெல்லோரும் மழையை
சபிக்கவே செய்கிறார்கள்

2011.09.01